الفرق بين العرب والاتراك

اخواني الحين بسألكم وش الفرق بين المسلسل التركي والمسلسل الخليجي؟

مشاهد تعرض في مسلسلاتنا الخليجيه ترفضها الفطره السليمه
وترفضها العادات الاصيله والاخلاق الاسلاميه وترفضها مجتمعاتنا الخليجيه المحافظه

تعرض بأسم الفن !
تعرض بأسم الانفتاح!
تعرض بأسم المشاهد عاوز كدا!
تعرض بأسم هذا واقع ودور الفن اظهار سلبيات المجتمع (طبعا من غير مشاهد اصلاح اخطاء المجتمع)

مشاهد خليجيه

المشهد الاول

الام في المسلسل تسحر رجل الاعمال /سيف عشان يتزوج بنتها
في مره الام الساحره وبنتها واخوها جالسين يعسلون
يدق تلفون البنت تقول لامها واخوها هذا سيف
يقولها اخوها ردي عليه تقوله اخته لااااا ابرد عليه بداري عشان اضبطه
بضحكه خبيثه.. يرد اخوها بابتسامه خبره

مشهد اخر في مسلسل اخر

يدخل الشاب الوسيم على امه البارونه ويقول يمه لحقي علي
تقول الام وشفيك يقولها انا غلطة مع وحده واهيه حامل
تشهق الام شهقه صغيره وخفيفه وتقوله انت متاكد يقول ايه يمه
تقول ببرود وثقه خل البنت تقابلني هي وامها بعطيها مبلغ محترم
وينتهي الموضوع

مشهد اخر في مسلسل اخر ايضا

العم الدكتور المتزوج والمحصن والمرتاح مع زوجته واللي دايم
يراقب ويحافظ على بنات اخوه السكير واللي في مره عط بنت اخوه المراهقه
درس ماتنساه اللي تجرأت وتعرفت على شاب وصل فيها الامر
ان خويها جاب لها هديه عند الباب بنص الليل يتعرف هالدكتور
على وحده حملت من واحد بزواج عرفي ويقضى الليل معها بمكالمات غراميه

اضف الى مشاهد المغازلات وخلها على اضبطها
وحفلات الاختلاط والشراب ومشاهد الزوج الخائن والبنت الهايته

وملابس الفنانات (العام التنوره عند الركبه ورمضان قبل العام تحت الركبه وهالسنه فوق الركبه والسنتين الجايه الميني جب)

وتقولون المسلسلات التركيه بتفسد مجتمعاتنا؟!
انا هنا ماادافع عن المسلسلات التركيه لانها نتاج
بلد علمانيه اباحيه الهويه فيها متشتته بين الثقافه الغربيه
والثقافه الشرقيه
بس مسلسلاتنا الخليجيه نتاج ماذا؟

والا وش رايكم

يعطيك العافيه يالغلا على الطرح الجميل والمميز

مشكووووور على مرورك ودمت

يسلمووووووووو اخوي على الموضوع دمت بحفظ الرحمن

مشكووووره ملوكه على مرورك