كل القصايد قلتها

كل القصايد قلتها .. احساس من نسج الخيال=وإلا الحبايب والغرام .. اوهام كنت اشوفها
عقل القصيدة لا وصفته في محاذاة الجبال=وأفكارها لا سلهم الخاطر قضبت حروفها
بكتب على صفحة شعوري من خيالي ما يقال=وأقارن اوصاف الحبايب قبل نفسي تعوفها
كلي طموح اعيش شاعر ينضرب فيه المثال=وأبدع قصايد وافتخر في حسنها ووصوفها
وأزرع معاني من حياتي في تواصيف الرجال=شموخها .. محصولها .. تجنيه من مقطوفها
وأمتطي صهوة جوادي والحروف إلها سلال=واتخير في معانيها ... و اسل سيوفها
واردف المعنى بفعل وكل قول وله فعال=شوف من قولي المعاني تنتخي مكتوفها
وأنا إليامني كتبت أكتب ولي احساس قال:=الفكرة اللي ما تجي .. أقدر أجيب طيوفها
كل الحكايه كنت مالي في المحبه من مجال=جالس أساير هالحياه المدبره ..وأطوفها
هذي صواديف الزمان ومالها فيني إحتمال=ما أقول غير الله يصبرني على مصدوفها
وهذي حياتي صافيه لاهي خصام ولا جدال=أيامها تمضي سريعة لا بسه نفنوفها
اشوفها وأشفق عليها واعترض عنها شمال=وأقول ماني من يعاملها على معروفها
وإن كان مالك في حياتك لا صديق ولا عيال=دور على ذكرى قديمه تعيش من مصروفها