السلام عليكم ورحمة الله وبركاتة
بعد التحية اهديكم هذي القصيدة المتواضعة
المسألة ماهي قلم يمشي على صدر الورق
لو ردت لهذا وذا ما كان شفتيني معاك
المسألة هي خافقي انباق مني وانسرق
من يوم ما قلتي " انا واشواق وجداني فداك"
اشهد بأن الله خلق واشهد بأن الله فرق
كل النسا بعيني بشر وانتي وسط عيني ملاك
العشق من زود الغلا من عينك اليمنى برق
وفي عينك اليسرى لمح احساسي المرهف هواك
تدرين وش معنى التعب! تدرين وش معنى الأرق!
كل التعب كل الأرق لا نام في حضني جفاك
من دونك الدنيا مثل موجٍ يناديه الغرق
ان راح للشط اختفى وان رد للبحر الهلاك
ما ينصفك قول الشعر والحرف من قافي زرق
كل ما بغيته يكتبك يقلب عليه " وش بلاك " !
مدري من اللي مبتلي! مدري من اللي ما احترق
لا شك انا وشعري سوى ما نحلم الا في رضاك
وسلاااااااااااااااااااااااااااااامتكم ...........
اخوكم ... تكفيني الذكرى
.[center]
الأحد 3 أغسطس - 17:23
