قصــيدهـ اهديه للوفي ،،،، واحـب الرمنسسيه وكل الغـالين علي قلبي
يحيا العزيز بعزته شامخ الراس
والاذليل يموت في عز ذله
ومن عاش شاف في دنيته كل الاجنـاس
من كل جنس وكل مذهب ومـله
ومن عاند الدينا توريه لاتعاس
يلقي القهر ويموت في وسط غله
راع الوفي ممشاه مع خيرة الناس
وراع الردي راع الردي صاحب له
ومال الردي في مجالس العز مجـلاس
اصلا ولاحتي يجيه ويصله
بعض الرجال اغلي من كنوز الالماس [ مثلك وشروك]]
سيف ليا جات االوازم تسله
له فزعة تضهر ليا صرت محتاس
ودرب الوفاء ماكل رجـل يدله
وبعض العرب من تحت لاقدام ينداس
وبعض العرب من فوق راسك محله
وبعض العرب صداقته دوم نوماس
وبعض العرب صداقته لك مذاله
وبعض العرب لامات تجزع له الناس
وبعض العرب لومات محدن فطن له
لاباس ياقلب يبي المجد لاباس
مدام فعل الطيب فينا جبله
ماعاد فادنيا مسارت واوناس
وعله تقفي عنك وتجيك عله
ماكل كيف يسبب لراسك عماس
والكيف ماتلقاه في كل دله
واعوذ بارحمن من كل وسواس
ومن كل حاسد شال فالقلب غله
اخذت لي في شبه العمر مرواس
وجربت فالاصحاب من كل شله
ولقيت من ممشي الرديين الافلاس
ولاكل رجال يناسبك دله
لي في المـلا نضره ومبدا ومقياس
ولاقول اخذت العرف والعلم كله
لكن لي قدوه عزيزه ونبراس
والجيد اصله لمكارم يتله
والبيت يبقي دام مبني علي ساس
وان كان ماله ساس مادم ظله
والادمي عمره محدد بالانفاس
رحاله في دنياه والقبر حــله
وسسلامتكم
[URL=http://up3.m5zn.com/showimage-8-2008-j0bvpflki6a.gif]
[/URL
الأحد 24 أغسطس - 10:51
