يضيق الصدر.. لاشفتك.. حبيبي تمسح دموعك
ترى مااقوى على حزنـك.. لـك الله لاتبكّينـي
حبيبي للفرح دايـم.. ابيـك اتوّقـد اشموعـك
وابى ازورك.. وابفرح به.. لو انـه مايدانينـي
وش اللي صار باحوالك.. طلبتك قول موضوعك
ألـى هالحـد تغلينـي.. ومــاودك تعنيّـنـي
تعال وشوفها احزانك.. بَنَت في روحي افروعـك
هدمت افراح من شانك.. وماتن بـي بساتينـي
حرام ارتاح في نومي.. إذا ماارتحت بهجوعـك
قسـم بالله مااخونـك.. مدامـك حيـل تغلينـي
تراك النور لعيونـي ..طلبتـك جـود بطلوعـك
أنا المجنون والتايـه.. وليـل الهـم معمينـي
ومدامك مكسف وذابل ..وزايد ياسـك وروعـك
أنا لامن دخلت الويل ضايـع.. مـن يقدّينـي؟!
وليل من الفرح يبكي ..يبيك اتجـود برجوعـك
وهمّاً ياتلف حالي.. كفـر بـي.. لاعبـاً فينـي
حبيبي وش تبي قلي.. أنا كلـي رهـن طوعـك
علامك يابعـد عمـري.. حزيـن وماتحاكينـي
تعال وخذ من اشعاري.. تسّلا عطني اسموعـك
وإذا ماجاز لك شعري.. حـرام اتخطـه ايدينـي
تبي قلبي ترى جالك.. رحل لك ..داخل اضلوعك
تبي روحي ..تبي فرحي.. تبي مالي.. تبي عيني
حبيبي جيتك ابدمعي.. وودي تمسـح ادموعـك
أنا غصّتنـي العبـره.. دخيلـك لاتبّكينـي.
الثلاثاء 13 مايو - 15:57
