تقطع القلب تقطيع

غابت عني ولا ادري وش حالتها * * * * * ولا أدري وشلون قلبي بتنام عيونه
قلت أقوم أنشد عنها بنت جارتها * * * * * عله يرتاح قلب تلعب فيـه ظنونـه

صدت عني ما تبيني أشوف دمعتها * * * * * قالت ياولد البنت بالعود مدفونـه
ماتت وغابت بالسما أحلى نجمتها * * * * * وحزن النجم والقمر إنخطف لونـه

ماتت ومات بالحديقة أغلى وردتها * * * * * وبكى الشجر والزهر قاموا يرثونه
وقفت مذهول وزاد بجسمي رعدتها * * * * * وقفت صامتن وعقلي جنت جنونه

قلت انا من تركتني وحيد بدنيتها * * * * * وانامن عشقها وحبها دايم يصونـه
أحبها واسالو عين ياكثر ما بكتها * * * * * واسألو كل هالبشر وهالعالم وكونه

أبيات شعري يا ما ويا ما تغنتها * * * * * تقول أبيات شعرك قلبـي يطربونـه
من لام روحي عله يعيش حسرتها * * * * * ويعيش طول الدهر تبكي عيونـه

يا لايمين قلبي شوفوا صورتها * * * * * بعدها تبون تلومونـه لكـم تلومونـه
ما أبي غيرها أبي أسعد بضمتها * * * * * ماأريد غير قليبي تنجلـي حزونـه

لعنبو عين عقبك ما تحدر دمعتها * * * * * ولعنبو خلقن كان إسمك ما يطرونه
لعنبو روحي كان تكتمل فرحتها * * * * * ولعنبو الحزن لو فارق يوم بسجونـه

روحي فقدتها ودموع عيني رثتها * * * * * بأبيات شعر مكسرة ماهي بموزونه
يالله يا كريم تغفر لها كل زلتها * * * * * وتغفر لها ذنب كل المـلا يقترفونـه

يا كريم إجمعني بها بجنة عدتها * * * * * حج البيت والصيام وخمس يصلونـه
يا ليتني ساكن اليوم بوسط حفرتها * * * * * وروحي بجنب روحهااليوم مدفونه