عهدي بها قدام تلبس عبايه............وانا بعد قبل البس شماغ وعقال
طفلين نتهجى حروف الكتابه.........الله يامجمل سواليف الاطفال
كانت لنا في كل شارع حكايه........كنا نقول علوم ماهيب تنقال
وكنت اتقاسم مامعاها معايه.........من عسكريم التوت للعلك ابوريال
وكانت بعكسي شاطره بالقرايه.....تقرا جزء عم وطه والانفال
وانا لك الله من مواري غبايه......مدري ابو نقطه هو الذال اوالدال
وكانت لابويه تشتكي من شقايه....وتعلمه كيف اربط الباب بحبال
ياما على ظهري كسر من عصايه...يقول لي:خلك انا وابوك رجال
وامي تقول:ادع لولدك الهدايه......خوفي يصيبه كثره الضرب بهبال
لا شفتها باول الدرب جايه.........مدري انا اللي ملت او الوطا مال
احس قلبي يرتجف في حشايه.....ماكنه الاالضيف لاهز فنجال
ياماعن (السعلي)تخبت ورايه......لاخوفوها فيه ثم شافت ظلال
تقول خلك يا محمد معايه........واستانس العب عندها دور الابطال
واغار حتى من عيون اصدقايه..لا طالعوها قلت:تكفون ياعيااااااال
ودمـــتـــمـ ســـــالـــمــيــنـ
الأحد 18 مايو - 6:19
