--------------------------------------------------------------------------------
سلام يا احلى اعضاء <== بدينا البكش
لوووووووووول
يقلكم هذا في مره من المرارير <== يمديكم
كان فيه اثنين اصحاب بدو وواحد ما بدا لووول<== احذر امامك منعطفات خخخخخخخ
لا من جد كان فيه اثنين اصحاب واحد دب وواحد
معصقل(يعني نحيف) <== طيب قول نحيف وانثبر
المهم <== يالف لان اصلا مافيه قصه هو موضوع سريع
تخاصموا في يوم على قطعة بيتزا <== ابوك يالتاليف
وكبرت الخصومه بينهم الين اليوم وانا اكتب وش بقول وكيف <== فاصل غنائي
ودخل بينهم ابليس <== لحد يشك بنفسه ترا مقصد احد خخخخخ
المهم بدا كل واحد يحش بالثاني وهاتك يا محشات والساعه بخمسه قنيه
عاد انا مقدر اقعد ساكت قلت لازم اتدخل<== وش نقزه ذا في القصه
تدرون اش سويت جبت ورقه وقلم وقعدت اكتب محشاتهم
خخخخخخخ<== اجل تبوني اصلح بينهم
<== تذكر نكته ويبي يقولها ممكن : يقلك نذل شاف واحد بيغرق راح انقذه ليه؟؟ علشان لا يموت شهيد ههههههه
يالا شوفوا المحشااااات :
النحيف:الا امس وينك فيه يا الدب سمعت انك متنكر وموقف في الشارع والعالم يدورن حواليك يحسبونك دوار ههههاي
الدب: لا يا جنط انا اللي سمعت انك متنكر وخاش مكتبه وقاعد على اساس انك قلم رصاص
النحيف: يا رجال انثبر والله لو تصبغ جوانبك اسود وظهرك اصفر صرت كنك حراثه هههه
الدب: الحين من زين جسمك والا نسيت يوم طلعنا البر ونمت على طعس
بغى يدعسك ونيت يحسبك حيه ( أم جنيب ) هههه
النحيف: ابحلف بالله ..انت وجسمك انك لو تنسدح على جنبك الايسر وترفع يدك اليمنى
صرت كنك عفريتة قلابي ههههه
<== من جد قوووويه
الدب: قوووووويه هاههاهاهاهاه لكن شكلك نسيت يوم تمرض
وتروح الدكتور وقال نبي نسوي لك اشعهx قال مايحتاج وخذك وحطك
على لمبة المكتب وشاف وش اللي فيك خخخخاي
النحيف: يارجال من شفتك يوم جيت تركب السياره دهنت جوانبك بفازلين
علشان تزرق في السياره وانا غاسل يدي منك هههههههه
الدب: ايه ويوم ركبت جنبي قمت اعشق فيك احسبك القير من نحفك ههههه
النحيف: أقول أها بس أهااا عنبوك من سمنتك صار الواحد يشوف خدودك وهو واقف
وراك صايره خدودك كنها مخابي كوت(جاكيت) فيها فصفص خخخخخخ
الدب: اقول الحين متميلح نفسك انت وعصاقيلك اجل تبيني اصير مثلك لين جاء هواء
طقو اهلك في ثوبك مسمار في الارض يخافون عليك تطير
النحيف: تدري كل ماشفتك ياالنفيخه تذكرت رجال كفرات ميشلان اللي في الدعايه كع كع كع كع
الدب: تصدق بالله لو تمر من جنب جيب الدوريات أنك تشوش على جهازهم ههههه
<===ردها عليه وحده بوحده خخخخاي
النحيف:مسكين والله لو افصخك ثوبك وفنيلتك واجلسك على الارض جوك
التايلنديين يعبدونك يحسبونك بوذا ههههه
الدب: ماشفت نفسك وانت واقف ترى رجليك ساق بدون ركبه
النحيف:اقول سمعت ان اهلك يروشونك في الحوش بمكانس من كبرك
الدب: انا سامع انك تتروش في المغسله
النحيف: انا سمعت انهم صوروك يبون يطلعون لك جواز وحطو صورتك وكتبو تحتها
تتبع في الصفحه الاخرى
الدب: انا سمعت انهم صوروك 4 في 6 طلعت كلك
النحيف: انا سمعت انك اذا بغيت تركض تنسدح وتتدربا على جنبك ... أسرع لك ههههه
الدب: اقول رح بس وراك انت ووجهك كنه مكان بريك سيكل ههههه
النحيف: اقول قم بس قم انت وشكلك كنك وايت مياه غير صالحه للشرب .
<== ترا بعد كانو بيكملون بس انا جاني رنة جوال قمت وتركتهم لووووووووووول
سي يااااااااااااااااا
على فكره الموضوع منقول بس المقدمه من عندي <== اخس يا مقدمة ابن خلدون خخخاي
الثلاثاء 20 مايو - 11:39
